|
ام الحلول 05/01/2008 10:45:43 م
تلقيت اتصالات هاتفية كثيرة حول مشاكل التجنيس التي أثيرت مؤخرا في »الشاهد«.. ولما قريت المنتدى قمت أطق على راسي.. سألتني صديقتي: شنو اللي قاعد يصير وليش الناس تتجنس جذيه.. انزين شنو تتوقعين لو كنت ضمن اللجنة التنفيذية وقاعدين يحققون مع واحد علشان ياخد الجنسية متخيلة الموقف.. قلت لها: ايه راح اقولك: يدخل طالب الجنسية على اللجنة ويبدأ التحقيق:
{ اسمك؟
- بردنيان آغا مالت أول.
{ تعرف تعد من الواحد إلى العشرة؟
- يك.. دو-.. سي-.. چار-.. يانج-. شيش.. هاف.. هاشت.. نو..ده..
{ حلو وايد من تعرف الكويت؟
- الخب
از مرتضى (الخبز ماله هوه خيلي خيلي حلو) يحط سمسم.. و..
{ مالنا شغل بخبزه من بعد تعرف؟
- أكو حمالي بالفرضة اسمه غلغلو هذا وايد قوي يشيل حمولة وانيت عود على »زهر« (ظهر) مال هو ما يتعب ولا يقول أح أو آه.. ما ادري انتيشنو تقولين.
{ مالنا شغل شيسوي.. عطنا بس أسامي.. ولا تسولف عن الشخص.. بعد من تعرف؟
اللي يبيع بنك بدوار العزام (العظام) انا ما يبي يتكلم وايد مثل ما قلتي لكن بس واحد كلمة انا يقول البنك واجد حلو ياكل قشوره بعد..
{ حسبي الله عليك مالنا شغل بالقشور»تربرب« وايد.. جاوب على قد السؤال منو تعرف؟
غسال سيارات.. من الأهواز تسدق (تصدق) يغسل محافزه (محافظة) كاملة وما عنده إلا »تب« واحد.. هذا احسن من غسال عراقي بس يرش ماي تحت تاير يسوي روحه غسل سيارة.
{ انت ما تفتهم عربي.. نقول لك يا ابن الحلال جاوب على قد السؤال.. عندك شهادة؟
تطعيم ضد الدرن.. صحيح انتوا تقول »درن« نفس الشي.
{ صحيح نقول درن مثلك.. لكن نبي شهادات دراسية.. يعني شلون نفهمه هذا.. وين وصلت في المدرسة؟
3 متوصوص.
- قصدك متوسط.. فهمنا.. ما سويت شيء أثناء احتلال الكويت يعني اشتركت مع المقاومة الكويتية ضد الجيش الصدامي. ذبحت احد.. وزعت منشورات؟
ها.. انا تفتهم.. وزعت منشورا حق كل صديق قلت اللي يبي يحول الدينار الى»تومان« يستعجل قبل لا يطيح مال الكويت.
{ صج خبل.. اقول منشورات ضد صدام موضد الدينار الكويتي.. ما مات لك احد؟
- ايوا.. لا تزكرني (تذكرني)جلب مال أنا ذبحه العراقيين دخل جيش عراقي يسوي تفتيش داخل غرف مال انا بعدين جلب مال أنا زعل واجد صار ينبح عليه جان يقوم زابط (ضابط) ويتق (يطق) الكلب بس واحد رساسه (رصاصة) على راس مال هو مات.. والله انا يبكي واجد هذا صار شهيد لأنه دافع عني.
قالت لي رفيقتي: ايه وبعد هذا التحقيق شنو تتوقعين يصير.. قلت: جدام اللجنة حلين: يا اما يحطونه تحت بند الشهداء اكراما لكلبه.. او تحت بند الخدمات الجليلة.. لأن كان قاعد ببيت جاره وما انباق.
أم الحلول
|
